2018 جىلدىڭ 8 مامىر كۇنى باشكول اۋىلىندا ۇلى وتان سوعىسى ارداگەرلەرىنە ارنالعان «ۇلى وتان سوعىسىنىڭ قۇرباندارى جۇرەگىمىزدە» اتتىمەموريالدىق تاقتانىڭ اشىلۋ سالتاناتى ءوتتى. بيىكتىگى 7 مەتردى، ۇزىندىعى 10 مەتردى قۇراعان ەسكەرتكىش اۋىل مەكتەبىنىڭ جانىندا ورنالاسقان جانە وندا 300 ۇلى وتان سوعىسىنا قاتىسۋشىلاردىڭ ەسىمى جازىلعان. ەسكەرتكىشتىڭ اشىلۋىنا اۋدان تۇرعىندارى، جەرگىلىكتى بيلىك وكىلدەرى جانە ەلىمىزدىڭ ءاربىر جەرىنەن كەلگەن مايدانگەرلەردىڭ تۋىستارى قاتىستى.

سالتاناتتى جيىن اۋدان اكىمى د. باتىربايەۆتىڭ، اۋىلدىڭ قۇرمەتتى اقساقالدارىنىڭ قۇتتىقتاۋ سوزىمەن اشىلدى.  قۇتتىقتاۋ سوزدەردەن كەيىن اۆتورلارى وسى اۋىلدىڭ تۋمالارى بوىپ كەلەتىن  رۋسلان ناسىروۆ پەن ليۋسيا حاميتوۆانىڭ  «اكەلەر رۋحىنا تاعزىم» اتتى كىتاپتىڭ تۇساۋكەسەرى ۇيىمداستىرىلدى.  ارداگەرلەردىڭ مايداندا كورسەتكەن ەرلىكتەرىنە ارنالىپ مەموريالدىق تاقتانىڭ اشىلۋى جانە ەسكەرتكىشكە گۇل شوقتارى قويىلدى.

سوعىستا قازا تاپقان جاۋىنگەرلەر رۋحانى تاعزىم ەتىلىپ، مەترونوم ۇنىمەن 1 مينۋت ۇنسىزدىك جاريالاندى.

ەسكەرتكىشتىڭ اشىلۋىنا بەلسەندى ات سالىسقان تۇرعىندارعا اۋدان اكىمىنىڭ اتىنان العىس حاتتار تابىس ەتىلدى.

ءىس-شارا بارىسىندا استانا قالاسىنىڭ 20-جىلدىعىنا، بەسقاراعاي اۋدانىنىڭ 90-جىلدىعىنا جانە ەسكەرتكىتىڭ اشىلۋ سالتاناتىنا وراي، مەموريالدىق تاقتانىڭ ماڭىندا قوناقتارمەن جانە اۋىل تۇرعىندارىمەن 20 ءتۇپ شىرشا اعاشتارى وتىرعىزىلدى.

ءىس-شارا اۋداندىق مادەنيەت ءۇيى ارتىستەرىنىڭ كونسەرتتىك باعدارلاماسىمەن اياقتالدى.